ततः पितामहो वाणी त्वन्तरिक्षादभाषत। आगच्छ विष्णो भद्रं ते दिष्ट्या प्राप्तोऽसि राघव।।। भ्रातृभिः सह देवाभैः प्रविशस्व स्विकां तनुम्। यामिच्छसि महाबाहो तां तनुं प्रविश स्विकाम्।।९ वैष्णवीं तां महातेजो यद्वाकाशं सनातनम्। त्वं हि लोकगतिर्देव न त्वां केचित्प्रजानते॥ ऋते मायां विशालाक्षीं तव पूर्वपरिग्रहाम्। त्वामचिन्त्यं महद्भूतमक्षयं चाजरं तथा। यामिच्छसि महातेजस्तां तनुं प्रविश स्वयम्॥
tataḥ pitāmaho vāṇī tvantarikṣādabhāṣata| āgaccha viṣṇo bhadraṃ te diṣṭyā prāpto'si rāghava||| bhrātṛbhiḥ saha devābhaiḥ praviśasva svikāṃ tanum| yāmicchasi mahābāho tāṃ tanuṃ praviśa svikām||9 vaiṣṇavīṃ tāṃ mahātejo yadvākāśaṃ sanātanam| tvaṃ hi lokagatirdeva na tvāṃ kecitprajānate|| ṛte māyāṃ viśālākṣīṃ tava pūrvaparigrahām| tvāmacintyaṃ mahadbhūtamakṣayaṃ cājaraṃ tathā| yāmicchasi mahātejastāṃ tanuṃ praviśa svayam||
English Meaning
There upon the Patriarch gave vent to the following accents from the welkin:-Come O Visnu; may good betide you; by our good fortune you are coming here; O Raghava hearO you having mighty arms, do you enter here with your brothers, resembling the celestials in brilliance in whatever from you like either in that of the sky or in your own Vişņu form. You are the refuge of the creatures nobody know you. You are above the range of thought; great immortal and imperishable; nobody know you save Maya, having wide eyes, your former spouse. Do you enter here yourself in whatever effulgent form you like.
— M.N. Dutt (1891–94, public domain)