भवन्तः प्रत्ययं प्राप्ता नीतिमार्गविशारदाः। हितेष्वभिरता भर्तुर्निसृष्टाः सर्वकर्मसु॥ कर्मस्वप्रतिमाः सर्वे दिक्षु विश्रुतपौरुषाः। मां पुरस्कृत्य निर्याताः पिङ्गाक्षप्रतिचोदिताः॥ इदानीमकृतार्थानां मर्तव्यं नात्र संशयः। हरिराजस्य संदेशमकृत्वा कः सुखी भवेत्॥ अस्मिन्नतीते काले तु सुग्रीवेण कृते स्वयम्। प्रायोपवेशनं युक्तं सर्वेषां च वनौकसाम्॥
bhavantaḥ pratyayaṃ prāptā nītimārgaviśāradāḥ| hiteṣvabhiratā bharturnisṛṣṭāḥ sarvakarmasu|| karmasvapratimāḥ sarve dikṣu viśrutapauruṣāḥ| māṃ puraskṛtya niryātāḥ piṅgākṣapraticoditāḥ|| idānīmakṛtārthānāṃ martavyaṃ nātra saṃśayaḥ| harirājasya saṃdeśamakṛtvā kaḥ sukhī bhavet|| asminnatīte kāle tu sugrīveṇa kṛte svayam| prāyopaveśanaṃ yuktaṃ sarveṣāṃ ca vanaukasām||
English Meaning
Having received the orders (of the king), you, conversant with polity, engaged in the welfare of your master, expert in every work, incomparable in execution, and renowned in every quarter, have come out, commanded by the lord of monkeys. Now, having failed to attain our object, we shall meet with death. There is no doubt whatever about this. Who, having been unsuccessful in doing the mandate of the king of monkeys, enjoyeth ease? Now all the rangers of the forest should fast for death.
— M.N. Dutt (1891–94, public domain)