तथेत्युक्त्वा तु जनकं वसिष्ठो भगवानृषिः॥ विश्वामित्रं पुरस्कृत्य शतानन्दं च धार्मिकम्। प्रपामध्ये तु विधिवद् वेदिं कृत्वा महातपाः॥ अलंचकार तां वेदिं गन्धपुष्पैः समन्ततः। सुवर्णपालिकाभिश्च चित्रकुम्भैश्च साङ्कुरैः॥ अङ्कुराढ्यै शरावैश्च धूपपात्रैः सधूपकैः। शङ्खपात्रैः सुवैः स्रुग्भिः पात्रैरादिपूजितैः॥ लाजपूर्णैश्च पात्रीभिरक्षतैरपि संस्कृतैः। दभैः समैः समास्तीर्य विधिवन्मन्त्रपूर्वकम्॥ अग्निमाधाय तं वेद्यां विधिमन्त्रपुरस्कृतम्। जुहावाग्नौ महातेजा वसिष्ठो मुनिपुङ्गवः॥
tathetyuktvā tu janakaṃ vasiṣṭho bhagavānṛṣiḥ|| viśvāmitraṃ puraskṛtya śatānandaṃ ca dhārmikam| prapāmadhye tu vidhivad vediṃ kṛtvā mahātapāḥ|| alaṃcakāra tāṃ vediṃ gandhapuṣpaiḥ samantataḥ| suvarṇapālikābhiśca citrakumbhaiśca sāṅkuraiḥ|| aṅkurāḍhyai śarāvaiśca dhūpapātraiḥ sadhūpakaiḥ| śaṅkhapātraiḥ suvaiḥ srugbhiḥ pātrairādipūjitaiḥ|| lājapūrṇaiśca pātrībhirakṣatairapi saṃskṛtaiḥ| dabhaiḥ samaiḥ samāstīrya vidhivanmantrapūrvakam|| agnimādhāya taṃ vedyāṃ vidhimantrapuraskṛtam| juhāvāgnau mahātejā vasiṣṭho munipuṅgavaḥ||
English Meaning
Thereupon, saying, So be it to Janaka, the worshipful saint Vasiştha of mighty austerities with Viśvāmitra and the pious Satānanda in his front, constructed a dais agreeably to the scriptures, decking it out with fragrant flowers all around, and golden ladles, and variegated water-pots, and platters with ears of barley, and censers filled with Dhupa, and conchs, and sacrificial spoons, and vessels furnished with Arghyas, and those containing fried paddy, and sanctified Aksatas. And over the dais, Vasistha with due mantras and rites spread an awning consisting of Darbhas of equal proportions. And with prescribed rites and mantras placing fire upon the dais, the highly energetic one commenced upon offering oblations.
— M.N. Dutt (1891–94, public domain)