सूतश्चित्ररथश्चार्यः सचिवः सुचिरोषितः। तोषयैनं महाहैश्च रत्नैर्वस्त्रैर्धनैस्तथा॥ पशुकाभिश्च सर्वाभिर्गवां दशशतेन च। ये च मे कठकालापा बहवो दण्डमाणवाः॥ नित्यस्वाध्यायशीलत्वान्नान्यत् कुर्वन्ति किंचन। अलसा: स्वादुकामाश्च महतां चापि सम्मताः॥ तेषामशीतियानानि रत्नपूर्णानि दापय। शालिवाहसहस्रं च द्वे शते भद्रकांस्तथा॥ व्यञ्जनार्थं च सौमित्रे गोसहस्रमुपाकुरु। मेखलीनां महासङ्घः कौसल्यां समुपस्थितः। तेषां सहस्रं सौमित्रे प्रत्येकं सम्प्रदापय॥ अम्बा यथा नो नन्देच्च कौसल्या मम दक्षिणाम्। तथा द्विजातीस्तान् सर्वाल्लक्ष्मणाय सर्वशः॥
sūtaścitrarathaścāryaḥ sacivaḥ suciroṣitaḥ| toṣayainaṃ mahāhaiśca ratnairvastrairdhanaistathā|| paśukābhiśca sarvābhirgavāṃ daśaśatena ca| ye ca me kaṭhakālāpā bahavo daṇḍamāṇavāḥ|| nityasvādhyāyaśīlatvānnānyat kurvanti kiṃcana| alasā: svādukāmāśca mahatāṃ cāpi sammatāḥ|| teṣāmaśītiyānāni ratnapūrṇāni dāpaya| śālivāhasahasraṃ ca dve śate bhadrakāṃstathā|| vyañjanārthaṃ ca saumitre gosahasramupākuru| mekhalīnāṃ mahāsaṅghaḥ kausalyāṃ samupasthitaḥ| teṣāṃ sahasraṃ saumitre pratyekaṃ sampradāpaya|| ambā yathā no nandecca kausalyā mama dakṣiṇām| tathā dvijātīstān sarvāllakṣmaṇāya sarvaśaḥ||
English Meaning
Do you propitiate the worshipful Citraratha, who is our charioteer and counsellor and of advanced years, with precious jewels, clothes, wealth, with all kinds of beasts and a thousand cows. Do you confer upon those Brāhmaṇas, O son of Sumitrā, who live under my protection, studying the Katha section of Yajur Veda, with staffs in their hands. a grant of eighty mules loaded with jewels, of a thousand miles of pines, and of a thousand cows, for curd and clarified butter. They are always inactive, being constantly engaged in Vedic studies, and are greatly slothful though having a taste for delicious food, and are always esteemed by great men; to each of all those Brahmanas, who always come to Kausalya, do you, O Laksmana, make a grant of a thousand gold coins, and offer to them all such gifts as may please my mother.
— M.N. Dutt (1891–94, public domain)