कामक्रोधसमुत्थानि त्यजस्व व्यसनानि च। परोक्षया वर्तमानो वृत्त्या प्रत्यक्षया तथा॥ अमात्यप्रभृतीः सर्वाः प्रजाश्चैवानुरञ्जय। कोष्ठागारायुधागारैः कृत्वा संनिचयान् बहून्॥ इष्टानुरक्तप्रकृतिर्यः पालयति मेदिनीम्। तस्य नन्दन्ति मित्राणि लब्ध्वामृतमिवामराः॥
kāmakrodhasamutthāni tyajasva vyasanāni ca| parokṣayā vartamāno vṛttyā pratyakṣayā tathā|| amātyaprabhṛtīḥ sarvāḥ prajāścaivānurañjaya| koṣṭhāgārāyudhāgāraiḥ kṛtvā saṃnicayān bahūn|| iṣṭānuraktaprakṛtiryaḥ pālayati medinīm| tasya nandanti mitrāṇi labdhvāmṛtamivāmarāḥ||
English Meaning
Do you renounce the ills that come through anger and lust. Replenishing your exchequer and arsenal do you, acquainting yourself with the state of things personally and otherwise, administer justice and thereby enlist the affection of the courtiers and other subjects; for the friends of him that sway the earth, pleasing the people to his satisfaction, rejoice even as did the immortals on obtaining ambrosia.
— M.N. Dutt (1891–94, public domain)