Verse 40.16

मण्डलानि विचित्राणि स्थानानि विविधानि च। गोमूत्रकाणि चित्राणि गतप्रत्यागतानि च॥ तिरश्चीनगतान्येव तथा वक्रगतानि च। परिमोक्षं प्रहाराणां वर्जनं परिधावनम्॥ अभिद्रवणमाप्लावमवस्थानं सविग्रहम्। परावृत्तमपावृत्तमपद्रुतमवप्लुतम्॥ उपन्यस्तमपन्यस्तं युद्धमार्गविशारदौ। तौ विचेरतुरन्योन्यं वानरेन्द्रश्च रावणः॥

maṇḍalāni vicitrāṇi sthānāni vividhāni ca| gomūtrakāṇi citrāṇi gatapratyāgatāni ca|| tiraścīnagatānyeva tathā vakragatāni ca| parimokṣaṃ prahārāṇāṃ varjanaṃ paridhāvanam|| abhidravaṇamāplāvamavasthānaṃ savigraham| parāvṛttamapāvṛttamapadrutamavaplutam|| upanyastamapanyastaṃ yuddhamārgaviśāradau| tau viceraturanyonyaṃ vānarendraśca rāvaṇaḥ||