भवन्तौ वानरं सैन्यं प्रविश्यानुपलक्षितौ। परिमाणं च वीर्यं च ये च मुख्याः प्लवंगमाः॥ मन्त्रिणो ये च रामस्य सुग्रीवस्य च संगताः। ये पूर्वमभिवर्तन्ते ये च शूराः प्लवंगमाः॥ स च सेतुर्यथा बद्धः सागरे सलिलार्णवे। निवेशं च यथा तेषां वानराणां महात्मनाम्॥ रामस्य व्यवसायं च वीर्यं प्रहरणानि च। लक्ष्मणस्य च वीरस्य तत्त्वतो ज्ञातुमर्हथः॥ कश्च सेनापतिस्तेषां वानराणां महात्मनाम्। तच्च ज्ञात्वा यथातत्त्वं शीघ्रमागन्तुमर्हथः ॥
bhavantau vānaraṃ sainyaṃ praviśyānupalakṣitau| parimāṇaṃ ca vīryaṃ ca ye ca mukhyāḥ plavaṃgamāḥ|| mantriṇo ye ca rāmasya sugrīvasya ca saṃgatāḥ| ye pūrvamabhivartante ye ca śūrāḥ plavaṃgamāḥ|| sa ca seturyathā baddhaḥ sāgare salilārṇave| niveśaṃ ca yathā teṣāṃ vānarāṇāṃ mahātmanām|| rāmasya vyavasāyaṃ ca vīryaṃ praharaṇāni ca| lakṣmaṇasya ca vīrasya tattvato jñātumarhathaḥ|| kaśca senāpatisteṣāṃ vānarāṇāṃ mahātmanām| tacca jñātvā yathātattvaṃ śīghramāgantumarhathaḥ ||
English Meaning
Entering the monkey-army unobserved, it behove you to ascertain the magnitude thereof, its strength, who are the foremost monkeys, who are the councillors assembled there of Rāma, and who of Sugrīva, who range at the head, who among the monkeys are heroic; how they have constructed the bridge over the water of the ocean; how the high-souled monkeys stay there; Rama's as well as Laksmana's purpose, prowess and the arms (they fight with). And who is the commander of those magnanimous monkeys? Having learnt all this truly, you ought to return speedily.
— M.N. Dutt (1891–94, public domain)