अथ ब्रह्मा तदागच्छत्सोमलोकं त्वरान्वितः। दशग्रीव महाबाहो साक्षाद्विश्रवसः सुत॥ गच्छ शीघ्रमितः सौम्य मा चन्द्रं पीडयस्व वै। लोकस्य हितकामो वै द्विजराजो महाद्युतिः॥ मन्त्रं च संप्रदास्यामि प्राणात्ययगतिर्यदा। यस्त्वेतं संस्मरेन्मन्त्रं नासौ मृत्युमवाप्नुयात्॥ एवमुक्तो दशग्रीवः प्राञ्जलिर्देवमब्रवीत्। यदि तुष्टोऽसि मे देव लोकनाथ महाव्रत॥ यदि मन्त्रश्च मे देयो दीयतां मम धार्मिका यं जप्त्वाहं महाभाग सर्वदेवेषु निर्भयः॥ असुरेषु च सर्वेषु दानवेषु पतित्रिषु। त्वत्प्रसादात्तु देवेश स्यामजेयो न संशयः॥
atha brahmā tadāgacchatsomalokaṃ tvarānvitaḥ| daśagrīva mahābāho sākṣādviśravasaḥ suta|| gaccha śīghramitaḥ saumya mā candraṃ pīḍayasva vai| lokasya hitakāmo vai dvijarājo mahādyutiḥ|| mantraṃ ca saṃpradāsyāmi prāṇātyayagatiryadā| yastvetaṃ saṃsmarenmantraṃ nāsau mṛtyumavāpnuyāt|| evamukto daśagrīvaḥ prāñjalirdevamabravīt| yadi tuṣṭo'si me deva lokanātha mahāvrata|| yadi mantraśca me deyo dīyatāṃ mama dhārmikā yaṃ japtvāhaṃ mahābhāga sarvadeveṣu nirbhayaḥ|| asureṣu ca sarveṣu dānaveṣu patitriṣu| tvatprasādāttu deveśa syāmajeyo na saṃśayaḥ||
English Meaning
Thereupon Brahmă come speedily to the region of the moon and said, "O Ten-necked one, O you having mighty arms, O direct son of Visravas, O gentle one, do you repair hence speedily, do not oppress the moon (for) this highly effulgent king of twice-born ones wish well-being to all. I shall communicate to you a mystical incantation; He who recollects it at the time of death, does not come by it." Being thus addressed the ten-necked demon, with folded hands, said, "If you are pleased with me O god! O lord of the worlds, O you of great penances, if do you wish to communicate that incantation, do you impart it upon me, O you of great piety; reciting which, O great one, I may be released of the fear of the celestials. Forsooth, by your favour, O lord of the celestials, I shall be invincible by all the Asuras, Danavas and birds."
— M.N. Dutt (1891–94, public domain)