महेन्द्रहिमवद्विन्ध्यकैलासशिखरेषु च। मन्दरे पाण्डुशिखरे पञ्चशैलेषु ये स्थिताः॥ तरुणादित्यवर्णेषु भ्राजमानेषु नित्यशः। पर्वतेषु समुद्रान्ते पश्चिमस्यां तु ये दिशि॥ आदित्यभवने चैव गिरौ संध्याभ्रसंनिभे। पद्माचलवनं भीमाः संश्रिता हरिपुंगवाः॥ अञ्जनाम्बुदसंकाशाः कुञ्जरेन्द्रमहौजसः। अञ्जने पर्वते चैव ये वसन्ति प्लवङ्गमाः॥ महाशैलगुहावासा वानराः कनकप्रभाः। मेरुपार्श्वगताश्चैव ये च धूम्रगिरिं श्रिताः॥ तरुणादित्यवर्णाश्च पर्वते ये महारुणे। पिबन्तो मधु मैरेयं भीमवेगा: प्लवङ्गमाः॥ वनेषु च सुरम्येषु सुगन्धिषु महत्सु च। तापसाश्रमरम्येषु वनान्तेषु समन्ततः॥ तांस्तांस्त्वमानय क्षिप्रं पृथिव्यां सर्ववानरान्। सामदानादिभिः कल्पैर्वानरैर्वेगवत्तरैः॥
mahendrahimavadvindhyakailāsaśikhareṣu ca| mandare pāṇḍuśikhare pañcaśaileṣu ye sthitāḥ|| taruṇādityavarṇeṣu bhrājamāneṣu nityaśaḥ| parvateṣu samudrānte paścimasyāṃ tu ye diśi|| ādityabhavane caiva girau saṃdhyābhrasaṃnibhe| padmācalavanaṃ bhīmāḥ saṃśritā haripuṃgavāḥ|| añjanāmbudasaṃkāśāḥ kuñjarendramahaujasaḥ| añjane parvate caiva ye vasanti plavaṅgamāḥ|| mahāśailaguhāvāsā vānarāḥ kanakaprabhāḥ| merupārśvagatāścaiva ye ca dhūmragiriṃ śritāḥ|| taruṇādityavarṇāśca parvate ye mahāruṇe| pibanto madhu maireyaṃ bhīmavegā: plavaṅgamāḥ|| vaneṣu ca suramyeṣu sugandhiṣu mahatsu ca| tāpasāśramaramyeṣu vanānteṣu samantataḥ|| tāṃstāṃstvamānaya kṣipraṃ pṛthivyāṃ sarvavānarān| sāmadānādibhiḥ kalpairvānarairvegavattaraiḥ||
English Meaning
Those that dwell on the summits of Mahendra, Himavat, Vindhya and Kailāsa; on Mandara, the peaks of Pāndu and the five hills; on mountains wearing the hue of the infant sun, and ever bright; and those inhabiting the West, beyond the sea; On mountains in the mansions of the sun, looking like the evening sky, and those dreadful foremost of monkeys that inhabit Padmachala, those monkeys that, resembling collyrium-like clouds, and having the strength of the lord of elephants, dwell in the Añjana hill; monkeys, possessing the splendour of gold, inhabiting the caverns of Mahāsaila; those resorting to the sides of Meru, as well as those dwelling in the Dhūmra mountains; and those, having the hues of the infant sun, dwelling in the Mahāruna mountain, drinking the Maireya wine; and those dwelling in mighty fair and fragrant forests and romantic hermitages all round, lying on the skirts of woods,-do you at once bring all these-all the foremost monkeys of the world, by means of gifts and conciliation, and through the agency of more than usually fleet monkeys.
— M.N. Dutt (1891–94, public domain)