ततो हेमप्रतिष्ठाने वरास्तरणसंवृते। प्रासादशिखरे रम्ये चित्रमाल्योपशोभिते॥ प्राङ्मुखं विधिवन्मन्त्रैः स्थापयित्वा वरासने। नदीनदेभ्यः संहृत्य तीर्थेभ्यश्च समन्ततः॥ आहृत्य च समुद्रेभ्यः सर्वेभ्यो वानरर्षभाः। अपः कनककुम्भेषु निधाय विमलं जलम्॥ शुभैर्ऋषभशृङ्गैश्च कलशैश्चैव काञ्चनैः। शास्त्रदृष्टेन विधिना महर्षिविहितेन च॥ गजो गवाक्षो गवयः शरभो गन्धमादनः। मैन्दश्च द्विविदश्चैव हनूमाञ्जाम्बवांस्तथा॥' अभ्यषिञ्चत सुग्रीवं प्रसन्नेन सुगन्धिना। सलिलेन सहस्राक्षं वसवो वासवं यथा॥ अभिषिक्ते तु सुग्रीवे सर्वे वानरपुङ्गवाः। प्रचुक्रुशुर्महात्मानो हृष्टाः शतसहस्त्रशः॥
tato hemapratiṣṭhāne varāstaraṇasaṃvṛte| prāsādaśikhare ramye citramālyopaśobhite|| prāṅmukhaṃ vidhivanmantraiḥ sthāpayitvā varāsane| nadīnadebhyaḥ saṃhṛtya tīrthebhyaśca samantataḥ|| āhṛtya ca samudrebhyaḥ sarvebhyo vānararṣabhāḥ| apaḥ kanakakumbheṣu nidhāya vimalaṃ jalam|| śubhairṛṣabhaśṛṅgaiśca kalaśaiścaiva kāñcanaiḥ| śāstradṛṣṭena vidhinā maharṣivihitena ca|| gajo gavākṣo gavayaḥ śarabho gandhamādanaḥ| maindaśca dvividaścaiva hanūmāñjāmbavāṃstathā||' abhyaṣiñcata sugrīvaṃ prasannena sugandhinā| salilena sahasrākṣaṃ vasavo vāsavaṃ yathā|| abhiṣikte tu sugrīve sarve vānarapuṅgavāḥ| pracukruśurmahātmāno hṛṣṭāḥ śatasahastraśaḥ||
English Meaning
And placing him on an excellent throne facing the east, uttering duly manträs in that golden room situated on the summit of the picturesque palace and beautified with magnificent coverlets and garlands, and collecting pure water from various rivers, sacred places and oceans, those foremost of monkeys kept it is golden jars. Gaja, Gavaksa, Gavaya, Sarabha, Gandhamadna, Mainda, Divida, Hanuman and Jambuvan, installed Sugrīva with auspicious horns of a bull and golden jars according to the rites prescribed by śāstras and sanctioned by the great saints like to the celestials installing the thousand eyed Deity with pure, fragrant water. Sugrīva being installed thus, these high-souled and foremost of monkeys, by hundreds and thousands, began to clatter with delight
— M.N. Dutt (1891–94, public domain)