उदिते विमले सूर्ये पुष्ये चाभ्यागतेऽहनि। लग्ने कर्कटके प्राप्ते जन्म रामस्य च स्थिते॥ अभिषेकाय रामस्य द्विजेन्द्रैरुपकल्पितम्। काञ्चना जलकुम्भाश्च भद्रपीठं स्वलंकृतम्॥ रथश्च सम्यगास्तीर्णो भास्वता व्याघ्रचर्मणा। गङ्गायमुनयोः पुण्यात् संगमादाहृतं जलम्॥ याश्चान्याः सरितः पुण्या हृदाः कूपाः सरांसि च। प्राग्वहाश्चोर्ध्ववाहाश्च तिर्यग्वाहाश्च क्षीरिणः॥ ताभ्यश्चैवाहतं तोयं समुद्रेभ्यश्च सर्वशः। क्षौद्रं दधि घृतं लाजा दर्भाः सुमनसः पयः॥ अष्टौ च कन्या रुचिरा मत्तश्च वरवारणः। सजलाः क्षीरिभिश्छन्ना घटाः काञ्चनराजताः॥ पद्मोत्पलयुता भान्ति पूर्णाः परमवारिणा। चन्द्रांशुविकचप्रख्यं पाण्डुरं रत्नभूषितम्॥ सज्जं तिष्ठति रामस्य वालव्यजनमुत्तमम्। चन्द्रमण्डलसंकाशमातपत्रं च पाण्डुरम्॥ सज्जं द्युतिकरं श्रीमदभिषेकपुरस्सरम्। पाण्डुरश्च वृषः सज्जः पाण्डुराश्वश्च संस्थितः॥
udite vimale sūrye puṣye cābhyāgate'hani| lagne karkaṭake prāpte janma rāmasya ca sthite|| abhiṣekāya rāmasya dvijendrairupakalpitam| kāñcanā jalakumbhāśca bhadrapīṭhaṃ svalaṃkṛtam|| rathaśca samyagāstīrṇo bhāsvatā vyāghracarmaṇā| gaṅgāyamunayoḥ puṇyāt saṃgamādāhṛtaṃ jalam|| yāścānyāḥ saritaḥ puṇyā hṛdāḥ kūpāḥ sarāṃsi ca| prāgvahāścordhvavāhāśca tiryagvāhāśca kṣīriṇaḥ|| tābhyaścaivāhataṃ toyaṃ samudrebhyaśca sarvaśaḥ| kṣaudraṃ dadhi ghṛtaṃ lājā darbhāḥ sumanasaḥ payaḥ|| aṣṭau ca kanyā rucirā mattaśca varavāraṇaḥ| sajalāḥ kṣīribhiśchannā ghaṭāḥ kāñcanarājatāḥ|| padmotpalayutā bhānti pūrṇāḥ paramavāriṇā| candrāṃśuvikacaprakhyaṃ pāṇḍuraṃ ratnabhūṣitam|| sajjaṃ tiṣṭhati rāmasya vālavyajanamuttamam| candramaṇḍalasaṃkāśamātapatraṃ ca pāṇḍuram|| sajjaṃ dyutikaraṃ śrīmadabhiṣekapurassaram| pāṇḍuraśca vṛṣaḥ sajjaḥ pāṇḍurāśvaśca saṃsthitaḥ||
English Meaning
On the appearance of the bright Sun, on the approach of the day under the astral influence of Puşya and on the ascension of Karkata, the presiding star of Rāma's birth, they brought all articles necessary for the installation and as ordered by the best of Brāhmaṇas, namely; gold, earthen jar (for preserving water), well ornamented excellent seats, chariot with a coverlet of splendid tiger-skin, water brought from the sacred confluence of the Ganges and Yamunā, from other holy streams, lakes, wells, ponds and rivers full of water flowing in the East, over mountains, and from the North to the South; and waters brought from all the oceans, honey, curd, clarified butter, fried paddy, sacrificial grass, milk, flowers, eight unmarried girls exquisitely beautiful, a mad elephant, gold and silver jars, adorned with fig leaves and lotuses and filled with holy water, a best yellow câmara for Råma crested with jewels and resembling the bright rays of the moon; a brilliantly ornamented beautiful umbrella of yellow colour, resembling the disc of the moon, and the most important of all the articles necessary for installation; a well adorned yellow ox and horse.
— M.N. Dutt (1891–94, public domain)